入嚟同我鬧爆蘋果！

寫得蘋果多，又同堆填區藕藕斷絲連，遠在美國、台灣或香港的朋友Login唔到蘋果，都來找我。蘋果會員制七月開始要付$3（台幣$10）先睇到，九月開始正式收費（價錢未公佈）。

一些技術問題，問過堆填區友好，已經解決，但還有些未解決，朋友說「我在裡面鬧沒有用，要外人在外面鬧」。我明喎， 如大家如像巴士阿叔「未解決」請去鬧爆佢。其實由當年《壹周刊》開始，肥佬從來是邊做邊改。讀者的罵，是整件事進化的一部份。

（本文標題純粹跟連登學習，歡迎留言，但跟我說我解決不了事情。）

01 動新聞Apps不能付費
係，要用電腦版畀錢，相當笨實（原因你諗下都明，唔公開了）。之前只接受信用卡付費，據聞是肥佬一直堅持，最近公布可用八達通Apps、TAP & GO付款，是後來被鬧爆/ 員工苦口婆心日諫的結果。（方法：https://hk.adai.ly/e/3bbrZQxJ1X）

付費訂閱：https://bit.ly/2JsRNBi
FAQ： https://bit.ly/2YDMNzW

02 台灣睇唔到港蘋
至少有三名留台港人，跟我說讀不到港蘋。後來查得「解決」方法（我貼在下面），但據知仍有閱讀限制，未能無限閱讀。堆填區友好說，系統設計是若你在港開戶，就只能讀香港蘋果；若你在台，就只能讀台蘋。CS建議大家找香港家人/朋友替你開另一個ACC（唔係呀嘛！）。近日反送中運動如火如荼，海外港人看不到真係火燒心。

我說點解有人咁X蠢，94年蘋果開報，賣$2，就是減低讀者成本，你竟然叫人搵朋友幫你在香港開acc咁X煩？其實開報之初，一個價錢睇晒又得，你畀多$10睇埋另一地區又得，咁就睇晒成個自由中大華的蘋果，有錢賺何樂而不為，要同自己作對。況且會員制的精義，就在於無論你身在何方，皆可讀報，完全打破了舊日實體報的地理限制。（因此你在香港也可讀New York Times，也可讀Guardian）

其實單單今年移民台灣的人口都6000。台灣內政部移民署統計，2012年起，港澳人士來台居留逐年攀升，2012年有8624人，2016年為15449人，5年成長79%；2017年1至9月居留人數為1萬4273人。我話：你老細真係好撚蠢好撚蠢好撚蠢！

台灣讀港蘋的方法如下（From蘋果CS，據知只可讀重要新聞，仍有限制）：
感謝您的來函，若您已付費訂閱台灣蘋果新聞網，會員專區中可以瀏覽香港動新聞的重要新聞。閱讀方式如下：
PC 網頁版：
1. 請您在台灣蘋果新聞網首頁的右上角先登入會員。
2. 會員登入成功後，請將游標移至頁面上排的《會員專區》，即會出現《港版蘋果日報》的選項。

手機APP版：
1. 請您在台灣蘋果新聞網APP左上角點選左側選項，在選項中點選右下角的會員登入。
2. 會員登入成功後，請在左側選項中點選《會員專區》，即會出現《港版蘋果日報》的選項

03 歐洲讀者睇唔到
呢度有無歐洲朋友？係喎，據聞因為歐洲私隱政策，不接受歐洲公民登記/付款。歐洲有幾多港人，或想睇蘋果的海外台灣人/ 中國移民？我唔知道，但目前蘋果話唔做你生意。

咁《紐約時報》《衛報》又有無歐洲讀者？不如你話我知。

今早堆填區公佈付費（手續費人數40萬），數字仍在增長，但九月後畀真金白銀後應該會有回吐，就以30萬人，每月HK$40計好了，一個月是1200萬，一年是1億4400萬。去年仍蝕3.38億，收一億四跟救番一半，但未夠數。

要鬧爆請到下面電郵/電話 :
顧客服務部（鬧爆）電郵： cs@nextdigital.com.hk
顧客服務部（鬧爆）電話：+852 2623–9985