#我哋真係好撚鍾意香港

（寫於7.2）

（* 這角度影咗兩張，網上有高角度版，已開始出現插畫版。係呀係呀，今日無乜心機工作。）

這張橫額昨天在網上瘋傳，能與之相比的新聞，一是BNO可獲居英權五年，之後變永久居民，另一宗是青年救人，用刀仔拮差人，上機被捕。

還有一宗，是23歲青年駕電單車與警察相撞被捕。後兩宗新聞幾近自殺，BNO是買保險。現下較需要的，是沉着氣，鬥長命。

粵語生猛勁揪，#我哋真係好撚鍾意香港 這一句，希望會變成運動主軸。去年我說運動讓我看到的是愛，是人的連結。

香港人怕肉麻，從不說「我愛你」，反而對愛人，比較說得出「憎死你」。

要掩飾同時又表達愛，於是香港人好古惑咁，加入麻甩的「撚」字。麻甩、粗口，向來是香江男兒溝通的潤滑劑，「吖，你份人咁仆街嘅！」「最撚衰係佢啦！」隱藏的，是說不出的感情，「𨳒你個仆街仔吖，又遲到。」體液交流，越𨳒越感情深厚。近年所見，香港烈女也有此趨勢，極具香港特色。

你用個「撚」字去表達，又唔用「愛」字用「鍾意」，唔通大家就感受唔到份愛咩？（鍾意同愛有好大分別），香港人你真係幼稚。

嗌 #我哋真係好鍾意香港 會犯法嗎？黃店能否貼上？在愛香港被演譯變成「港獨」之前，大家研究一下，句子可以再有變奏。要滅廣東話，沒那麼快。

我甚至見有網友成日話「其實我從來唔喜歡香港」，得喇得喇。講得出 #我哋真係好鍾意香港 ，已是一大進步。不過比起同女人講「愛你」「想你」，就輸畀我少少。